"Le xvi jour du moys de janvier, l'an mil cccc. xxx., vint en la chapelle de ceans Norman Leslie de Pytquhoulle, escoth, escuyer de la compagnie de Hugues Cande, Monclars. {1} Lequel dist et afferma par serment estre vray le miracle cy apres declaire. C'est assavoir que le dit Leslie fut prins des Anglois e Paris le jour de la Nativite de Nostre Dame de l'an dernier passe. Lequel Norman Leslie avoit entre dans la ville de Paris avec c. Escossoys en guise d'Angloys, lesqueuls Escossoys furent prins des Angloys, et ledit Norman fut mis en fers et en ceps. Et estoit l'intention de ceux qui l'avoient pris de le faire lendemain ardre, parce qu'il portoit robe de femme par maniere de ruse de guerre.
{1} Cande = Kennedy.